Deaktiver JavaScript i Adobe Reader

Gjentekne feil har blitt oppdaga i Adobe Reader. Adobe kjem med ei oppdatering og ting skal vist nok vera OK. Men kort tid etter, finn nokon ein ny feil. Det einaste som må til, er at nokon får deg til å opna ei spesiell PDF-fil, og vips vil dei kunne få tilgang til heile datamaskina di.

Ille!

Så på ein måte er det viktig å alltid oppdatera til nyaste versjon, men med Adobe Reader fins eit tips til: Deaktiver JavaScript for Acrobat!

1. Start Adobe Reader (eller Acrobat, om du har den)
2. Rediger → Innstillinger
3. Klikk til kategorien JavaScript
4. Fjern haka for JavaScript og klikk OK

Det er så godt som ingen PDF-filer som treng JavaScript.
Nesten det einaste JavaScript i PDF er godt for, er å få datamaskina di til å feila, sånn at ein inntrengar kan få full kontroll. Så då veit du kva du bør gjer (y)

Adobe Reader 9.2.0

Har du Adobe Reader på ein nyare datamaskin, så må du ganske enkelt oppdatera til versjon 9.2.0 med ein einaste gong. Dette gjer du anten via Hjelp-menyen i Adobe Reader, eller ved å lasta ned programmet frå Adobe sine heimesider:

• adobe.com/no

Klikk på knappen “Get Adobe Reader”.
Du kan lesa meir om oppdateringa i bloggen til Adobe.

Feilen som no blir retta, gjer det mogeleg å lura deg til å opna ei spesielt tilrettelagd PDF-fil som får Adobe Reader til å feila, noko som igjen gjer at angriparen får full kontroll over datamaskina di.

These vulnerabilities could cause the application to crash and could potentially allow an attacker to take control of the affected system.

Kjelde: Security bulletin 09-15

Flash Cookies — Desse hjelper nettsider å overvaka deg og det er langt meir utbreidd enn du trur.

Du viste kanskje at nettlesaren din lagrar cookies (små tekstfiler) som nettsider mellom anna brukar til å kjenna deg igjen. Nettbanken brukar cookies for å hindra at andre plutseleg gjer seg ut for å vera deg ved å ta over sesjonen mens du er innlogga. Facebook brukar cookies så du slepp å logga deg inn kvar gong.

Les meir…

Produsentspesifike “Camera Profiles” i Lightroom

Adobe Lightroom er eit databaseprogram for bildesamlingar. Med dagens store fotosamlingar seg eg ingen annan utveg enn å bruka den her type program. Apple sitt Aperture eller Google sitt Picasa (gratis) gjer mykje av det same, men Lightroom ser ut til å stikka av med teten blandt proffar.

Eg har ledig harddiskplass, og eksterne harddiskar med enorm kapasitet er ofte prisa under 1000,- så lagringsplass er ikkje lenger mangelvare. Når kameraet har støtte for RAW, så fotograferer eg berre i RAW. Då får eg teke vare på originalbilete (negativet) og alle justeringar og endringar tek utgangspunkt i dette.

Lightroom tolkar fargene i RAW-bileta på sin eigen måte. Kameraprodusenten har sine eigne fargeprofilar som ofte gjev betre fargar. Adobe har laga nokre fargeprofilar som er meir lik kameraprodusentane sine, enn dei som ligg i Ligthroom. Som ein bevist fotograf, vil eg ha best mogelege fargar på bileta mine, og installerer difor Camera Profiles frå Adobe Labs.

• labs.adobe.com/wiki/index.php/DNG_Profiles

Programmet er gratis og gjev eit nytt val (vist på sida der) i Lightroom.

Kjelde: PeachpitTV – Camera Profiles 2

Unngå Conficker-viruset!

I dag er den rette dagen for utføra kritisk vedlikehald av alle Windows-maskine du har tilgang til.
Desse tinga må du nesten rekka å gjer i dag, og du må gjer det på alle Windows-maskiner som er tilkopla Internett:

1. Sjekk at brannmuren faktisk er på – Start → Kontrollpanel → Windows-brannmur
2. Kople ut AutoRun – sjå eige blogginnlegg
3. Firefox 3.0.8 – firefox.no
4. Oppdater antivirusprogrammet ditt – AVG Free 8.5, avast og AntiVir er gratis
5. Windows Update – windowsupdate.microsoft.com

Om du har Microsoft Office, Adobe Reader, Adobe Flash Player og/eller Sun Java, bør du oppdatera desse også:

• Office Update – office.microsoft.com/officeupdate/
• Adobe Reader – get.adobe.com/no/reader/
• Adobe Flash Player – get.adobe.com/flashplayer/
• Sun Java – java.com/en/download/

Det er berre siste versjon som er rekna som ”sikker”.
Eldre versjonar av desse tinga inneheld typisk feil som
gjer det mogeleg for datavirus å øydeleggja PCen din!

Foxit Reader

Når du skal lesa, skriva ut eller berre visa PDF-filer, treng du eit program som kan hansama denne type filer. PDF-formatet er utvikla av firmaet Adobe og dei lagar eit gratisprogram som heiter Adobe Reader. Dette programmet fungerer fint på PDF-filer, men det er veldig digert og legg beslag på mykje av kreftene i datamaskina.

Foxit Reader er eit langt mindre ressurskrevjande program som på mange måtar gjer ein betre jobb med PDF-filer enn Adobe sitt eigenutvikla Adobe Reader. Fordelen med Foxit Reader er først og fremst at det er langt raskare og at maskina ikkje blir mykje seinare.

Foxit Reader er gratis og Windows-utgåva kan du lasta ned frå foxitsoftware.com/pdf/reader_2/down_reader.htm
For andre utgåver av Foxit sine program, sjekk ut foxitsoftware.com