Alle filer du ikkje vil mista, må reservekopierast til ein eller fleire stadar. Harddisken i datamaskina di kjem garantert til å ryka. Då gjeld det å ha kopi av alt det viktiga.

• WD Passport 1TB kr. 1 195,-

Eg har sjølv ein ekstern harddisk på 1 TB frå Western Digital og er godt nøgd. Disken treng ingen straum (utover det den får frå USB-porten i datamaskina), og kjem med programvare for automatisk backup til- og kryptering av, harddisken.

Enkelte på Internett mislikar programvaren og det fins måtar å fjerna den på på, men hos meg fungerer det fint. Veldig greit å vete at alle data på harddisken er kryptert, i tilfelle eg mister den.
Hovudfordelen med med medfølgande krypteringsprogramvaren på disken, er at den gjer alt automatisk. Passordet for dekryptering og tilgang, vert lagra i datamaskina di. Når du koplar ho til, kjem stasjonen rett opp i Mac OS X eller Windows.

Koplar du disken til ein ny maskin, blir du bedt om å installera programvaren og tasta inn passordet. Tjuven kan alltids sletta alt på disken, for så å bruka den, men dine data kom såfall ikkje på avvege.

Skjul musemarkøren etter inn-zooming

For å zooma inn Mac-skjermen, held du inne Ctrl-tasten på tasteturet og ruller oppover. Om du har bærbar MacBook med styreflate som lar bruka to fingre for å rulla, så held du berre nede Ctrl-tasten mens du flyttar to fingre oppover styreflata.

Etter at du har zooma inn skjermen, kan du enkelt skjula musemarkøren (om du syns den er i vegen):

• Trykk på ein av pil-tastane på tastaturet

Apple sine operativsystem i Mac OS X-serien skjular alltid musemarkøren når du skriv inn tekst. Eit enkelt trykk på ein av pil-tastene er nok til å skjula den digre inn-zooma musemarkøren.

Arild og Gard på frimerke

På photofunia.com kan du enkelt laga avanserte fotofiklingar, rett på web. Du treng ikkje ein gong å registrera deg. Du vel berre ein mal, lastar opp eit eller fleire av dine eigne bilete og vips har Photofunia laga ein avansert retusjering av malen med ditt eller dine bilete inni.

Les meir…

Slett nyleg historikk med Firefox 3.5

Når du surfar på Internett med ein nettlesar, blir den såkalla surfehistorikken lagra i nettlesaren. Du kan sjølv gjere nytte av denne historikken. Du har f.eks. merka at lenker du alt har besøkt kan framstå med ein annan farge på enkelte heimesider. Dette er det nettlesaren din som gjer, ved hjelp av historikken.

Om du surfar inn på sider som andre brukarar av datamaskina helst ikkje skal vete, kan du slette nettlesaren sin historikk. Problemet har til no vert at du då slettar all historikk, men no fins ei elegant løysing i nye Firefox 3.5. Du kan sletta nyleg historikk og du kan spesifisera om Firefox skal sletta historikk frå den siste timen, siste to timar, siste fira timar eller all historikk frå i dag.

• Last ned Firefox 3.5 her

Funksjonen “Slett nyleg historikk” finn du mellom anna under menyen Verktøy i Firefox 3.5