Som kommenter i eit innlegg skriv Grete R.:

OK!! Jeg er urdårlig på deling av mapper etc på mac. Jeg har en mappe på min HD som heter Kunder. Den vil jeg dele med min kollega. Vil helst at den “popper” opp automatisk hos han når jeg logger på :-)

Apple har ein norsk artikkel om fildeling som du kan kikka på: Les meir…

Skjul musemarkøren etter inn-zooming

For å zooma inn Mac-skjermen, held du inne Ctrl-tasten på tasteturet og ruller oppover. Om du har bærbar MacBook med styreflate som lar bruka to fingre for å rulla, så held du berre nede Ctrl-tasten mens du flyttar to fingre oppover styreflata.

Etter at du har zooma inn skjermen, kan du enkelt skjula musemarkøren (om du syns den er i vegen):

• Trykk på ein av pil-tastane på tastaturet

Apple sine operativsystem i Mac OS X-serien skjular alltid musemarkøren når du skriv inn tekst. Eit enkelt trykk på ein av pil-tastene er nok til å skjula den digre inn-zooma musemarkøren.

SugarSync

Vi som brukar meir enn ei datamaskin kjem ofte ut for at vi skulle hatt tak i noko som ligg på den andre maskina. SugarSync lar eg feste vinger på mappene dine, så dei vert tilgjengeleg på alle maskinene dine, samt at du kan nå filene via web.

Løysinga er kryptert og sikker, og du kan dela innhald med dei du ønskjer.

Årsaka til at eg likte SugarSync si løysing, er at grensesnittet er så reint og ryddig. Deira løysing fungerer mellom ulike platformar og om du har gratis-løysinga med plass til 2 GB, får du 1/4 GB i bonus for kvar venn du vervar.

Skaff deg gratis 2 GB SugarSync via denne lenka, så får du også 1/4 GB frå starten av:

• sugarsync.com

Programmet er veldig enkelt og intuitivt, men lurer du på noko om SugarSync så er det berre å spør. Vi er glade i kommentarar :-)

Filp4Mac

Eg fekk eit spørsmål om websider for Mediaplayer på Mac-maskiner, og sendte eit svar eg tenkte kunne vera nyttig for andre:

1. Programmet som spelar av film på Macen din heiter QuickTime.
2. VLC er eit gratis alternativ som spelar det meste av film.
3. For å visa Windows-film frå web i Safari, må du installera Flip4Mac:
   http://www.microsoft.com/mac/products/flip4mac.mspx

Dette installerer eg på mine Mac-maskiner, men fleire og fleire nettsider støttar Silverlight som er mykje betre enn Flip4Mac. På NRK.no sin nett-TV kan du klikka Innstillinger oppe til høgre, og endra til Silverlight.

Flash Cookies — Desse hjelper nettsider å overvaka deg og det er langt meir utbreidd enn du trur.

Du viste kanskje at nettlesaren din lagrar cookies (små tekstfiler) som nettsider mellom anna brukar til å kjenna deg igjen. Nettbanken brukar cookies for å hindra at andre plutseleg gjer seg ut for å vera deg ved å ta over sesjonen mens du er innlogga. Facebook brukar cookies så du slepp å logga deg inn kvar gong.

Les meir…

Caffeine held PCen vaken (-;

Om datamaskina går i dvale mens du til dømes ser video på web, kan programmet Caffeine vera nyttig. Programmet sit i meldingsfeltet ved klokka i Windows, eller oppe i menylinja på Macen. Eit klikk, og du kan halda maskina vaken.

Du kan også sei kor lenge maskina skal halda seg vaken utan å sovna.

• Caffeine for Windows
• Caffeine for Mac

Illustrasjonsfoto via openphoto.net under PublicDomain

Blokker SPAM i Adium

Om du har Adium for Mac og har lagt til MSN- eller Windows Live Messenger-kontoen din, kan du oppleva at det dukkar opp uønska meldingar frå ukjende folk. Denne SPAMen kan du bekjempa på ein veldig enkel måte:

• Gå til Adium
• Klikk ned Adium-menyen
• Klikk på Personverninnstillinger
• Under Konto vel du MSN-kontoen
• Endre Personvernsnivå til Tillat bare kontakter på min kontaktliste

Den her endringa skal gjer det umogeleg for andre MSN Messenger-brukarar å kontakta deg, med mindre dei ligg i kontaktlista di.

cmd-k

Etter å ha blitt vant med Firefox sin hurtigtast for å nå søkefeltet oppe til høgre (Google-søk) via Cmd-k (altså; kringle-knappen og k), har eg ofte sakna å kunne trykka den same hurtigtasten i Apple sin eigen nettlesar Safari.

Her er ein veldig enkel framgangsmåte for å få Safari til å Google-søka når du trykker Cmd-k

• Systemvalg → Tastatur → Tastatursnarveier
• Klikk på +-knappen for å leggja til ein ny tastatursnarveg
• Velg programmet Safari og skriv inn eit passande namn i feltet Menynavn
• Stå i feltet Tastatursnarvei og trykk Cmd-k
• Klikk Legg til-knappen

Den nye snarvegen skal då fungera i Safari.
Kjelde: mattberther.com